ಏರೆಗಾಂಡ್ ಮೂಲು ಬದ್ಕ್ ಏಪೊಲ ಸಾಸಿತ.*
*ಉಂಡು ತಿಂದಿನ ಮಾತ್ರೊ ನಾಲ್ ದಿನೊತ.*
*ತೆಲಿತ್ ನಲಿತ್ ನ ಮಾತ್ರೊ ನಾಲ್ ದಿನೊತ.*
*ತೆಲಿತೆರ್ ನಲಿತೆರ್ ಕಡೆಕಾನಗ* *ಒಂಜಿ ನಾಲ್ ಜನ ಬುಲಿತೆರ್*
*ಈತೆ ಬದ್ಕ್ ದ ತಿರ್ಲ್.*
*ಪನವು ಉಂಡುಂದು ಪನವುದ ಮಿತ್ತ್ ಜೆತ್ತಿನಾಯೆ*
*ಕಡೆಕಾನಗ ಆಯನ್ ಪನವುಡು ಪೊತ್ತಾಯೆರಾ…..*
*ಬಂಗಾರ್ದ ಬಟ್ಟಲ್ಡ್ ಪೇರ್ ನುಪ್ಪು ಉಂಡಿನಾಯೆ*
*ಕಡೆಕಾನಗ ಆಯೆ ಬಂಗಾರ್ದ ಬಟ್ಟಲ್ನ್ ಕೊನೊದು ಪೋಯೆನಾ…..*
*ಓ ನರಮಾನಿ ಈ ಬದ್ಕ್ ಈತೆಯಾ*
*ಮಚ್ಚರೊನು ಬುಡ್ಲಯ*
*ನಂಜಿ ನರಕೊಟೊನು ನಾರಾವಡ*
*ಆಂಕಾರೊನು ತೋಜಾವಡ*
*ಸೊರ್ಕುಡು ಮೆರೆಯಡ*
*ಮೋನೆಡೊಂಜಿ ಪೊರ್ಲ ತೆಲಿಕೆ*
*ಬಾಯಿಡೊಂಜಿ ಎಲ್ಯ ಪೊಲಿಕೆ…*
*ನಮ ಈ ಲೋಕೊನು ಬುಡುದು ಪೋನಗ ಅರೆ ಗಳಿಗೆಡ್ ಪೋಪಿ ಜೂವದ ದೊಂಡೆಗ್ ಮೈಪಿ ತುಳಸಿ ನೀರ್ ಪಗೆಮಾನಿಂದ್ ತೂಪೆರಾ..*
*ಉಡಲ್ಡೊಂಜಿ ಮಲ್ಲ ಮನಸ್ಸ್ ಮಾತ್ರೊ ಈ ಜೂವನ.*
*✍ಬರವು: ಚಂದ್ರಹಾಸ*
*ಕುಂಬಾರ ಬಂದಾರು.*
