ದೇಶ-ವಿದೇಶ ಪ್ರಮುಖ

ಕೊರೊನಾ 2ನೇ ಅಬ್ಬರ: ನಿಯಮ ಅನುಸರಿಸದಿದ್ದರೆ ಮತ್ತೆ ಲಾಕ್​​ಡೌನ್​ ಎಂದ ಮಹಾ ಸಿಎಂ

ಮುಂಬಯಿ: ಮಹಾರಾಷ್ಟ್ರದಲ್ಲಿ ನಿತ್ಯವೂ ಕೊರೊನಾ ಪೀಡಿತರ ಸಂಖ್ಯೆ ಏರಿಕೆ ಆಗುತ್ತಲೇ ಇದೆ. ಈ ಹಿನ್ನೆಲೆಯಲ್ಲಿ ಅಲ್ಲಿನ ಸರ್ಕಾರ ಕಟ್ಟುನಿಟ್ಟಿನ ಕೋವಿಡ್​ ನಿಯಮಗಳನ್ನು ಜಾರಿಗೊಳಿಸಿದೆ. ಒಂದೊಮ್ಮೆ ಈ ನಿಯಮಗಳನ್ನ ರಾಜ್ಯದ ಜನತೆ ಅನುಸರಣೆ ಮಾಡದಿದ್ದರೆ ಮುಂದಿನ 8 ದಿನಗಳಲ್ಲಿ ಲಾಕ್​ಡೌನ್​ ಜಾರಿ ಮಾಡುವುದು ಅನಿವಾರ್ಯ ಎಂದು ಮಹಾರಾಷ್ಟ್ರ ಸಿಎಂ ಉದ್ದವ್​ ಠಾಕ್ರೆ ಹೇಳಿದ್ದಾರೆ.

ಈ ಸಂಬಂಧ ವಿಡಿಯೋ ಮೂಲಕ ರಾಜ್ಯವನ್ನು ಉದ್ದೇಶಿಸಿ ಮಾತನಾಡಿರುವ ಅವರು, ನಿಮಗೆ ಲಾಕ್​ಡೌನ್​ ಬೇಕಾ ಎಂದು ಪ್ರಶ್ನಿಸಿರುವ ಅವರು, ಈ ಸಂಬಂಧ ಇನ್ನು ಎಂಟು ದಿನಗಳಲ್ಲಿ ನಿರ್ಧಾರ ಕೈಗೊಳ್ಳಲಾಗುವುದು ಎಂದು ಹೇಳಿದ್ದಾರೆ.

ಇಂದು ಮಹಾರಾಷ್ಟ್ರದಲ್ಲಿ 7 ಸಾವಿರ ಕೋವಿಡ್​ ಕೇಸ್​ಗಳು ದಾಖಲಾಗಿವೆ. ಇದು ಹೀಗೆ ಮುಂದುವರಿದರೆ ರಾಜ್ಯದಲ್ಲಿ ಕೊರೊನಾ ನಿಯಂತ್ರಣಕ್ಕೆ ಕಠಿಣ ಕ್ರಮಗಳನ್ನ ಕೈಗೊಳ್ಳಬೇಕಾಗುತ್ತದೆ. ಹಾಗಾಗಿ ಯಾರ್ಯಾರು ಮಾಸ್ಕ್​ ಹಾಕದೇ, ದೂರವನ್ನ ಅಲಕ್ಷಿಸುತ್ತಿದ್ದೀರೋ ಅವರೆಲ್ಲ ನಿಯಮಗಳನ್ನ ಅನುಸರಿಸಿ ಎಂದು ಮನವಿ ಮಾಡಿದ್ದಾರೆ.

Home

ಇದೇ ವೇಳೆ ಮೈ ಫ್ಯಾಮಿಲಿ ಮೈ ರೆಸ್ಪಾನ್ಸಿಬಿಲಿಟಿ (ನನ್ನ ಕುಟುಂಬ ನನ್ನ ಜವಾಬ್ದಾರಿ) ಐ ಆ್ಯಮ್​ ರೆಸ್ಪಾನ್ಸಿಬಲ್ ​(ನಾನೇ ಜವಾಬ್ದಾರ) ಎಂಬ ಘೋಷಣೆಯನ್ನು ಅವರು ಮಹಾ ಜನತೆ ಎದುರು ಮಾಡಿದ್ದಾರೆ. ಹೀಗಾಗಿ ನಾನೇ ಜವಾಬ್ದಾರ (ಮೀಚ್​ ಜವಾಬ್ದಾರ್​) ಎಂಬುದನ್ನು ಎಲ್ಲರೂ ಸ್ವತಃ ಅರ್ಥ ಮಾಡಿಕೊಂಡು ಕೋವಿಡ್​ ತೊಲಗಿಸಬೇಕು ಎಂದು ಅವರು ಕರೆ ಕೊಟ್ಟಿದ್ದಾರೆ.

ಇದೇ ವೇಳೆ ಮನವಿ ಮಾಡಿರುವ ಸಿಎಂ ಠಾಕ್ರೆ, ನಾಳೆಯಿಂದ ರಾಜಕೀಯ ರ್ಯಾಲಿಗಳು, ಜಾಥಾಗಳು ಹಾಗೂ ಜನರು ಸೇರುವುದಕ್ಕೆ ಅವಕಾಶ ಮಾಡಿಕೊಡುವುದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

Related posts

ಯಾವುದೇ ಕ್ಷಣ ಉಗ್ರರ ನೆಲೆ ನಾಶಕ್ಕೆ ಸಿದ್ಧ: ಪಾಕ್‌ಗೆ ಸೇನಾ ಮುಖ್ಯಸ್ಥರ ವಾರ್ನಿಂಗ್

Upayuktha

ಕೊರೊನಾ ಆತಂಕ: ನಾಳೆಯಿಂದ ಒಂದು ವಾರ ಇವೆಲ್ಲ ಬಂದ್

Upayuktha

ಜೀವ-ಜೀವನ ಸರಿದೂಗಿಸುವ ಯತ್ನ: ಮಾಸ್ಕ್‌ ಬಳಸದವರಿಗೆ ದಂಡದ ಪ್ರಮಾಣ ಇಳಿಕೆ, ತಕ್ಷಣದಿಂದ ಜಾರಿಗೆ

Upayuktha