ಕತೆ-ಕವನಗಳು

ಕವನ: ಬಂಧನ

ಹರಿಯುತಿದ್ದೆ ಸಹಜವಾಗಿ
ಶರಧಿ ಸೇರಬೇಕು ಎಂದು
ಎತ್ತರಕ್ಕೆ ಕಟ್ಟೆ ಕಟ್ಟಿ
ತಡೆದು ಬಿಟ್ಟೆಯಾ
ಚಲನೆ ನನ್ನ ಸಹಜ ಗುಣವು
ನಿಂತರಲ್ಲಿ ಬಹಳ ನೋವು
ಗಮ್ಯವಿಹುದು ಭಾರಿ ದೂರ
ಸೇರಬೇಕಿದೆ

Advertisement

ಹುಟ್ಟಿನಿಂದ ನಡೆದು ಕುಣಿದು
ಓಡುತಿದ್ದೆ ದಣಿವು ಇರದೆ
ಕೃತಕ ಗೋಡೆಯೊಳಗೆ ನನ್ನ
ನೂಕಿ ಬಿಟ್ಟೆಯಾ
ಗಟ್ಟಿಯಾಗಿ ನಿಲ್ಲಲಾರೆ
ಕೆಟ್ಟು ಹೋಗಿ ಬಾಳಲಾರೆ
ಬಿಟ್ಟು ಬಿಡಲೆ ಬೇಕು ನೀನು
ಎಂದಿಗಾದರೂ

ಬೆಟ್ಟ ಗುಡ್ಡ ಬಯಲಿನಂಥ
ದಾರಿಗಳನು ಬಳಸಿಕೊಂಡು
ಕಷ್ಟ ಸುಖವ ತಾಳಿಕೊಂಡು
ಸಾಗುತಿದ್ದೆನು
ಶರಧಿ ಬಿಟ್ಟು ಬದುಕಲಾರೆ
ಇದನು ನೀನು ಅರಿಯಲಾರೆ
ನನಗೆ ಎಂದೆ ಕಾಯುತಿಹುದು
ಜೀವ ಕೋಟಿಯು

ನಾನು ಯಾರ ಸ್ವಂತ ಅಲ್ಲ
ನನಗೆ ಸ್ವಂತ ಬದುಕೆ ಇಲ್ಲ
ಎಲ್ಲ ಜೀವ ರಾಶಿಯನ್ನು
ಸಲಹಬೇಕಿದೆ
ಮಾತೆ ನಾನು ಜೀವ ಕುಲಕೆ
ಏರು ಕಟ್ಟೆ ಒಡೆದು ನನ್ನ
ಬಂಧಮುಕ್ತ ಮಾಡಬೇಕು
ಇದುವೆ ಧರ್ಮವು

ಪಂಚ ಭೂತಗಳನು ತಡೆದು
ವಂಚಿಸದಿರು ಸಹಜತೆಯನು
ಹೊಂಚು ಹಾಕುತಿಹುದು ಕಾಲ
ತಕ್ಕ ಸಮಯಕೆ
ಕೊಂಚ ಕೂಡ ಸುಳಿವು ಇರದೆ
ಪಂಜರಕ್ಕೆ ಕೆಡವುದಕ್ಕು
ಮುಂಚೆ ಸತ್ಯ ತಿಳಿದುಕೊಂಡು
ಜಾಣನಾಗು ನೀ
********
-ಬಾಲಕೃಷ್ಣ ಸಹಸ್ರಬುಧ್ಯೆ, ಮುಂಡಾಜೆ

 

(ಉಪಯುಕ್ತ ನ್ಯೂಸ್)

ಉಪಯುಕ್ತ ನ್ಯೂಸ್‌ App ಡೌನ್‌ಲೋಡ್ ಮಾಡಿಕೊಳ್ಳಲು ಇಲ್ಲಿ ಕ್ಲಿಕ್ ಮಾಡಿ

 

‘ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ

 

ಟ್ವಿಟರ್‌ನಲ್ಲಿ ಉಪಯುಕ್ತ ನ್ಯೂಸ್ ಫಾಲೋ ಮಾಡಿ

 

ಯೂಟ್ಯೂಬ್‌ನಲ್ಲಿ ಉಪಯುಕ್ತ ನ್ಯೂಸ್ ವೀಕ್ಷಿಸಿ

 

ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪಿಗೆ ಸೇರಲು ಈ ಲಿಂಕ್ ಕ್ಲಿಕ್ ಮಾಡಿ

 

ನಿಮ್ಮ ಮೆಚ್ಚಿನ ಉಪಯುಕ್ತ ನ್ಯೂಸ್ ಈಗ ಗೂಗಲ್ ನ್ಯೂಸ್  App ನಲ್ಲೂ ಲಭ್ಯ. ಈ ಲಿಂಕ್ ಕ್ಲಿಕ್ ಮಾಡಿ ಫಾಲೋ ಮಾಡಿ.

Advertisement
Advertisement

Related posts

ಮಕ್ಕಳ ಕತೆ: ಆನೆ…. ಒಂದಾನೆ… (ಭಾಗ-1)

Upayuktha

ತುಳು ಕಬಿತೆ: ಬೆನ್ನಿಗ್ ಬರಡ್

Upayuktha

ಕಿರಿಯರ ಕವನ: ಪುಟ್ಟ ಪಾದ

Upayuktha
error: Copying Content is Prohibited !!