ಕತೆ-ಕವನಗಳು ಭಾಷಾ ವೈವಿಧ್ಯ

ತುಳು ಕವನ: ಕಣಿ ದೀಲೆ – ಕಮ್ಮೆನ ಗಮೆಸಾಲೆ…

ಮೂಡಯಿ ರಂಗಾಂಡ್ ಪುಲ್ಯಾನಗ ಇನಿ
ಅಪ್ಪೆ ಬೂಮಿಗ್ ನೆಸರ್ ದೇವೆರೆ ಕಣಿ |
ಪೊಸವರ್ಸೊ ದೊರುಟುದಿತಿ ಪರಪುದ ಪನಿ
ಕುಸಲ್ ಡೆ ಆವೊಡಪ್ಪ ನಮ ಬೇಲೆ ಆನಿಕಾನಿ || ೧ ||

ಸತ್ಯೊದ ಜೀಟಿಗೆ ಪತ್ತೊಡು ಒರ್ಮೆಲ
ಬುಳೆ ಸಲೆ ಅಲ ಪಲ ಸತ್ತಿಗೆ ಸುತ್ತಲ |
ಎರಿಯೆರೆ ಕಾರ್ ಗ್ ಪುಡ್ಯಾಡ್ ಈ ಬಲ
ಕಣಿತವುಲು ಕೈಮುಗಿದ್ ದೇಬೆರೆನ್ ತೂಲ ||೨||

ಮಣ್ಣ್ ದ ಬಾಲೆಲು ತುಳುವೆರೆನ ಸಿಂಗಾರ
ಬದ್ಕ್ ನಿಲ್ಕೆ ತುಡರಾದ್ ಅರಿ ಬಾರ್ ಬಂಗಾರ |
ಎರ್ತೆಡ್ ಉರಿ ಸಿರಿಡ್ ಮೆರೆವೊಡು ಸಂಸಾರ
ತುತ್ತೈತ ಪದ್ದೆಯಿ ಪನವುಡು ಸಾಕಾರ ||೩||

ಕಣಿ ದೀಲೆ ಕಮ್ಮೆನ ಗಮೆಸಾಲೆ ಬಂಧುಳೆ
ಸುಖ ಕಷ್ಟ ಪಟ್ಟೊಂದು ಒಂಜಾದ್ ಬದ್ಕ್ ಲೆ |
ಬಿಸು ಪರ್ಬೊದಡ್ಡಿಡ್ ಉಂಡು ತಿಂದ್ ನಲಿಪುಲೆ
ಐಸಿರೊದ ಸಿರಿ ತುಪ್ಪೆ ತುಳುವಪ್ಪೆನ್ ಸುಗಿಪುಲೆ ||೪||
– ಭಾಸ್ಕರ ರೈ ಕುಕ್ಕುವಳ್ಳಿ

(ಉಪಯುಕ್ತ ನ್ಯೂಸ್)

‘ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ

ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪಿಗೆ ಸೇರಲು ಈ ಲಿಂಕ್ ಕ್ಲಿಕ್ ಮಾಡಿ

Related posts

*ರಾಮ ಬಾರೊ*

Harshitha Harish

ಕವನ: ಶರಣು ಕಾರ್ತಿಕೇಯ

Upayuktha

ನನ್ನೆದೆಯ ಕನಸು

Harshitha Harish